ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಪದಚ್ಯುತಿಗೆ ಮೈತ್ರಿ ಒಕ್ಕೂಟ ರಚಿಸಿದ ವಿರೋಧಿ ಬಣ | ಜನತಾ ನ್ಯೂಸ್
1921
ಜೆರುಸಲೆ೦ : ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಅವರ ವಿರೋಧಿಗಳು ಹೊಸ ಆಡಳಿತ ಒಕ್ಕೂಟವನ್ನು ರಚಿಸುವ ಒಪ್ಪಂದಕ್ಕೆ ಬಂದಿರುವುದಾಗಿ ಘೋಷಿಸಿದ್ದು, ಇದು ದೀರ್ಘಕಾಲದ ಇಸ್ರೇಲಿ ನಾಯಕನನ್ನು ಪದಚ್ಯುತಿಗೊಳಿಸಲು ದಾರಿ ಮಾಡಿಕೊಟ್ಟಿದೆ.
ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಅವರನ್ನು ಪದಚ್ಯುತಿಗೊಳಿಸಲು ವಿಶಾಲ ಆಧಾರಿತ ಒಕ್ಕೂಟವನ್ನು ರಚಿಸುವಲ್ಲಿ ಯಶಸ್ವಿಯಾಗಿದ್ದೇವೆ, ಎಂದು ಇಸ್ರೇಲ್ ವಿರೋಧ ಪಕ್ಷದ ನಾಯಕ ಯೇರ್ ಲ್ಯಾಪಿಡ್ ಹೇಳಿದ್ದಾರೆ. ಇಸ್ರೇಲ್ ಇತಿಹಾಸದಲ್ಲಿ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ದೇಶದ ಅತಿ ಹೆಚ್ಚು ಕಾಲ ಸೇವೆ ಸಲ್ಲಿಸುತ್ತಿರುವ ನಾಯಕರಾಗಿದ್ದಾರೆ.
"ನಾನು ಯಶಸ್ವಿಯಾಗಿದ್ದೇನೆ" ಎಂದು ಮಾಜಿ ಟಿವಿ ಸುದ್ದಿ ನಿರೂಪಕ ಲ್ಯಾಪಿಡ್ ಫೇಸ್‌ಬುಕ್‌ನಲ್ಲಿ ಬರೆದಿದ್ದಾರೆ. "ಈ ಸರ್ಕಾರವು ಇಸ್ರೇಲ್ ನ ಎಲ್ಲಾ ನಾಗರಿಕರು, ಅದಕ್ಕೆ ಮತ ಹಾಕಿದವರು ಮತ್ತು ಮತ ಚಲಾಯಿಸದವರ ಸೇವೆಯಲ್ಲಿ ಕೆಲಸ ಮಾಡುತ್ತದೆ ಎಂದು ನಾನು ಭರವಸೆ ನೀಡುತ್ತೇನೆ", ಎಂದು ಹೇಳಿದ್ದಾರೆ.
ಬಲಪಂಥೀಯ ರಾಷ್ಟ್ರೀಯತಾವಾದಿ ಟೆಕ್ ಮಿಲಿಯನೇರ್ ನಫ್ತಾಲಿ ಬೆನೆಟ್(49) ಮೊದಲು ಪ್ರಧಾನ ಮಂತ್ರಿಯಾಗಿ ಕಾರ್ಯನಿರ್ವಹಿಸಲಿದ್ದು, ಎರಡು ವರ್ಷಗಳ ನಂತರ ಲ್ಯಾಪಿಡ್ ಅಧಿಕಾರ ವಹಿಸಿಕೊಳ್ಳಲಿದ್ದಾರೆ.
ಮುಂಬರುವ ದಿನಗಳಲ್ಲಿ ಇದನ್ನು 120 ಸದಸ್ಯರ ನೆಸ್ಸೆಟ್ ಶಾಸಕಾಂಗವು ದೃಡಪಡಿಸಿದಲ್ಲಿ, ಇಸ್ರೇಲಿ ರಾಜಕೀಯದಲ್ಲಿ ದೀರ್ಘಕಾಲ ಪ್ರಾಬಲ್ಯ ಹೊಂದಿರುವ ಹಾಕಿಶ್ ಬಲಪಂಥೀಯ ನಾಯಕನ ದೀರ್ಘ ಆಳ್ವಿಕೆಯನ್ನು ಇದು ಕೊನೆಗೊಳಿಸುತ್ತದೆ.
